MTVMarathiNews

बारामतीतील शासकीय वैद्यकीय महाविद्यालयाला आता  “पुण्यश्लोक अहिल्यादेवी होळकरांचे" नांव.. बारामती येथील शासकीय वैद्यकीय महाविद्यालय संस्थेचे “पुण्यश्लोक अहिल्यादेवी होळकर शासकीय वैद्यकीय महाविद्यालय, बारामती” असे नामकरण करण्याचा निर्णय शासनाने आज चौंडीच्या कार्यक्रमात घेण्यात आला आहे.. राज्याचे उपसचिव प्रकाश सुरवसे यांनी हा निर्णय प्रसिद्ध केला आहे.. त्यानुषंगाने वैद्यकीय शिक्षण व संशोधन संचलनालयने आयुक्त यांना आवश्यक ती कार्यवाही करण्याचे निर्देश देण्यात आले आहेत.. यामुळे आता शासकीय वैद्यकीय महाविद्यालयाचे नाव आता पुण्यश्लोक अहिल्यादेवी होळकर होणार आहे.. याबाबत पुणे जिल्ह्याचे उपाध्यक्ष एडवोकेट गोविंद देवकाते यांनी  वैद्यकीय शिक्षण  मंत्री गिरीश महाजन आणि संचालनालय वैद्यकीय शिक्षण आणि संशोधन मुंबई यांच्याकडे सहा महिन्यापासून पाठपुरावा सुरू ठेवला होता  आता त्यांच्या पाठपुराव्याला यश आले आहे.. वैद्यकीय शिक्षण मंत्री गिरीश महाजन यांनी आज नावाची घोषणा केली आहे.. बारामती येथील शासकीय वैद्यकीय महाविद्यालयात ०३. जानेवारी २०१३ रोजीच्या शासन निर्णयान्वये मान्यता मिळाली होती. ...

बारामतीतील एक अवलीया जोपासतोय चार दशकांपासून पियानो अँकॉर्डियन ची आवड.. बारामती : कलाकार व्यक्ती नेहमी एक सुंदर जीवन जगतात, कला जोपासण्या सोबतच, त्या कलेचा आनंद स्वतः बरोबर इतरांनाही मिळावा यासाठी त्यांची निरपेक्ष धडपड असते.. बारामतीतील एक अवलिया देखील गेल्या चार दशकांहून अधिक काळ आपल्या  अँकार्डियनच्या  माध्यमातून हजारो रसिकांना तृप्त करीत आहे.. बारामतीतील नितीन दोशी असे त्यांचे नांव आहे.. ते 1976 साला पासून सातत्याने  अँकार्डियन  हे वाद्य वाजवत आहेत..   अकॉर्डियन वाद्य वाजविणे फार जिकीरीचे आहे, पंधरा किलो वजनाचे अँकार्डियन गळ्यात घालून दोन अडीच तास स्टेज शो करणे गंमत नसते.. त्याच्या डाव्या भात्याच्या बाजूला 120 बटणे आहेत तर जिथून गाणे वाजविले जाते त्या काळ्या पांढ-या बटणांना ट्रेबल म्हणतात, या शिवाय डाव्या बाजूला पाच कपलर असतात.. एक कॉड तीन सुरांचा मिळून बनत असतो असे हे वाद्य वाजविणे ही खरच एक कला आहे... दरवर्षी 6 मे हा दिवस अकॉर्डियन दिवस म्हणून जगभर साजरा केला जातो, नितीन दोशी यांना कोणीही न शिकवता ऐकून व पाहून त्यांनी हे वाद्य वाजवण्याची कला आत्मसात केली आह...

बारामती शहर पोलिस स्टेशन आणि युवकांच्या मदतीने हरवलेल्या मुकबधिर मुलाची आणि वडिलांची झाली भेट.. बारामती : २५ मे ला देशमुख चौक बारामती येथे एक लहान मुलगा आढळून आला. त्याला त्याठिकाणी थांबलेले नागरिक प्रश्न विचारात होते. परंतु तो  कोणत्याही प्रश्नाचे उत्तर देऊ शकत नव्हता. एका व्यक्तीने त्याला हातावर नाव लिहायला सांगितल्यावर त्याला लिहिता येत नव्हते बोलत नसल्यामुळे सगळ्यांना वाटले की याला मराठी भाषा समजत नसेल बाहेर राज्यातील असेल असे उपस्थित नागरिक म्हणत होते. त्यावेळी भारतीय युवा पँथर संघटनेचे संस्थापक अध्यक्ष गौरव अहिवळे , महाराष्ट्र संपर्कप्रमुख शुभम गायकवाड, बारामती शहराध्यक्ष निखिल खरात, बारामती शहर संघटक समीर खान यांनी लोकांना विचारणा केल्यावर समजले की हा मुलगा हरवलेला आहे. त्याला मदतीची गरज आहे त्याला बोलता येतं नसल्यामुळे नाव व पत्ता सांगता येत नव्हते. त्यावेळी सदर मुलाला बारामती शहर पोलिस स्टेशनला घेऊन गेल्यानंतर बारामती शहर पोलिस स्टेशनचे पी. एस.आय.निंबाळकर व ठाणे अंमलदार शंकर काळे यांनी सहकार्य केले व मुलाच्या पालकांची माहिती मिळवण्यासाठी मदत केली. तसेच निखिल खरात यांनी...

बारामतीच्या मच्छिंद्र टिंगरे यांना भाजप कडून मोठी जबाबदारी.. भाजपच्या महाराष्ट्र प्रदेश कार्यकारिणी सदस्य म्हणून मच्छिंद्र टिंगरे यांचा समावेश..   बारामती : भाजपने मिशन बारामती हाती घेतले आहे. भाजपच्या नेत्यांचा बारामती लोकसभा आणि विधानसभा मतदारसंघात वावर वाढलेला असतानाच भाजपच्या प्रदेश कार्यकारिणी सदस्य म्हणून बारामतीच्या मच्छिंद्र टिंगरे यांचा समावेश केला आहे. भाजपचे प्रदेशाध्यक्ष चंद्रशेखर बावनकुळे यांनी टिंगरे यांना मुबंई येथील मुख्य कार्यालयात निवडीचे पत्र दिले. भाजपने अतिशय सामान्य कुटुंबातील सामाजिक कार्यकर्ता असलेल्या टिंगरे यांची थेट वरच्या फळीतील नेत्याच्या यादीत समावेश केल्यामुळे राजकीय चर्चांना उधाण आले आहे. मात्र त्यांच्या निवडीने युवकांमध्ये नवचैतन्य निर्माण झाले आहे. प्रदेश कार्यकारिणीत विशेष निमंत्रीत सदस्य असलेली कार्यकारिणी तयार करण्यात आली आहे. या सदस्यांच्या यादीत उपमुख्यमंत्री देवेंद्र फडणवीस, केंद्रीय मंत्री नितीन गडकरी यांच्यासह राज्यातील प्रमुख नेत्यांचा तसेच केंद्रीय मंत्री, राज्यातील सर्व विद्यमान मंत्री, आमदार, प्रमुख माजी आमदार, खासदार व अतिमहत्त्वाच्या ...

वादळी वाऱ्यासह बारामती शहर आणि परिसरात जोरदार अवकाळी पाऊस... बारामतीतील अनेक रस्त्यांवरती पाणीच पाणी.. अनेक रस्त्यावरती झाडे उन्मळून पडली.. बारामती  : बारामती शहर आणि ग्रामीण भागात आज गुरुवारी अचानक वादळी वारा आणि विजेच्या कडकडाटासह जोरदार अवकाळी पाऊस बरसला. यामुळे बारामतीतील अनेक रस्त्यांवरती पाणीच पाणी साचल्याचे चित्र पहायला मिळाले. कसबा येथील पेट्रोल पंपा समोर बारामती माळेगांव रोडवर जलमय झाला होता यामुळे नागरिकांना मोठा त्रास सहन करावा लागला, काही वेळ वाहतूक कोंडीचा सामना देखील नागरिकांना करावा लागला. जोराचा वारा असल्याने अनेक रस्त्यावरती झाडे देखील उन्मळून पडली.  बारामती नगरपालिकेने साचत असलेल्या पाण्यासंदर्भात योग्य नियोजन करावे जेणेकरून पावसाळ्यात याचा नागरिकांना त्रास होणार नाही अशी मागणी नागरिकांकडून होत आहे. गेली काही दिवसापासून उन्हाची तीव्रता वाढली होती त्यामुळे उकाड्याने नागरिक हैराण झाले होते. मात्र आज अचानक आलेल्या अवकाळी पावसामुळे वातावरणात गारवा निर्माण झाल्याने नागरिकांना उकड्यापासून मात्र चांगलाच दिलासा मिळाला आहे.

झारगडवाडी परिसरात वादळी वारा आणि अवकाळी पावसामुळे बाजरी मका पिकाचे नुकसान.. बारामती : बारामती शहर आणि ग्रामीण भागात गुरुवारी अचानक वादळी वारा आणि विजेच्या कडकडाटासह अवकाळी पाऊस बरसला. गेली काही दिवसापासून या परिसरात उन्हाची तीव्रता प्रचंड वाढलेली होती त्यामुळे उकाड्याने नागरिक हैराण झाले होते. अचानक आलेल्या अवकाळी पावसामुळे वातावरणात गारवा निर्माण झाल्याने नागरिकांना उकड्यापासून चांगलाच दिलासा मिळाला आहे. मात्र अचानक आलेल्या वादळी वारा आणि पावसामुळे काढणीला आलेल्या बाजरी आणि मका पिकाचे, मोठ्या प्रमाणात नुकसान झाले आहे. जोराच्या वादळी वाऱ्यामुळे बाजरी, मका पिकासह तरकरी पिके जमीन दोस्त झाली आहेत. या अगोदर झालेल्या पिकांची नुकसान भरपाई अद्याप मिळालेली नसताना आता पुन्हा या अवकाळी आलेल्या पावसामुळे शेतकरी पुरता हतबल झाला आहे.

ऑनलाईन निकाल जाहीर होण्यापूर्वी शिक्षण मंडळाकडून बारावीचा निकाल जाहीर.. राज्य माध्यमिक व उच्च माध्यमिक शिक्षण मंडळातर्फे मार्च – एप्रिल 2023 मध्ये घेण्यात आलेल्या बारावी परीक्षेचा निकाल ऑनलाईन पद्धतीने जाहीर करण्यात आला आहे.  बारावीची परीक्षा दिलेल्या विद्यार्थ्यांना महाराष्ट्र बोर्डाच्या mahahsscboard.in किंवा maharesult.nic.in या अधिकृत वेबसाइटला भेट देऊन त्यांचे निकाल ऑनलाईन पाहता येणार आहे. ऑनलाईन निकाल जाहीर होण्यापूर्वी शिक्षण मंडळाकडून बारावीचा निकाल जाहीर करण्यात आला आहे. शिक्षण मंडळाने दिलेल्या माहितीनुसार, यंदाचा राज्याचा एकूण निकाल 91.25 टक्के इतका लागला आहे.

झारगडवाडी ( बारामती ) येथील दोन जिवलग मित्र एकाच वेळी बनले महाराष्ट्र पोलीस... बारामती : जिद्द आणि चिकाटी असेल तर कुठलीही गोष्ट अशक्य नाही, खडतर परिस्थिती असताना देखील गेली अनेक वर्ष पोलीस भरतीची प्रॅक्टिस करून बारामती तालुक्यातल्या झारगडवाडी या गावातील दोन जिवलग मित्रांनी एकाच वेळी महाराष्ट्र पोलीस बनण्याचा बहुमान मिळवला आहे.. कुलदीप सूर्यवंशी आणि कलीम सय्यद अशी महाराष्ट्र पोलीसात भरती झालेल्या दोन जिवलग मित्रांची नावे आहेत..    कुलदीप सूर्यवंशी आणि कलीम सय्यद हे दोघे देखील सर्वसामान्य कुटुंबातील असून त्यांची आर्थिक परिस्थिती बेताची आहे. कुलदीप याचे वडील बाळासाहेब दगडु सुर्यवंशी हे गेली वीस वर्षांपासून ट्रॅक्टर ड्रायव्हर म्हणून काम करत आपल्या कुटुंबाचा उदरनिर्वाह करीत आहेत. तर कलीम सय्यद याचे वडील नजीर सय्यद दुसऱ्याच्या शेतात मोलमजुरी चे काम करून आपल्या कुटुंबाचा उदरनिर्वाह चालवत आहेत. गरिबीची जाण असलेल्या कुलदीप आणि कलीम या दोघांनी कुठलाही खाजगी क्लास न लावता आपल्याच झारगडवाडी गावामध्ये केवळ जिद्द, चिकाटी व प्रचंड मेहनतीच्या जोरावर महाराष्ट्र पोलीसात भरती होण्याचा मान मिळवला...

आता शरद पवार, सुप्रिया सुळे आणि अजित पवार आम्ही येतो आणि दारूच्या भट्ट्या शोधत बसतो. माझी दारूची भट्टी असली तरी मला पकडा आणि टायर मध्ये घाला.. बारामती तालुक्यात सुरू असलेले अवैध धंदे बंद करण्याचे अजित पवारांनी दिले पोलिसांना आदेश.. बारामती : बारामती तालुक्यात अवैध व्यवसाय बंद दाखवा आणि एक लाख रुपये बक्षीस मिळवा अशा प्रकारचे निवेदन सामाजिक कार्यकर्ते आणि महिला बचत गटाने विरोधी पक्षनेते अजित पवार यांना दिले होते. 15 जून पर्यंत बारामती तालुक्यातील अवैध धंदे बंद न झाल्यास बारामती येथील प्रशासकीय भावना समोर सामाजिक कार्यकर्ते आणि महिला बचत गटातील महिला उपोषण करणार असल्याचा इशारा देण्यात आला आहे. मात्र निवेदन दिलेल्याच्या बातम्या अनेक वृत्तपत्रांमध्ये छापून आल्यानंतर आज बारामती दौऱ्यावर असलेले विरोधी पक्ष नेते अजित पवार यांनी याची गांभीर्याने दखल घेत बारामती तालुक्यात सुरू असलेल्या अवैध धंदे बंद करण्याचे पोलिसांना चांगलेच खडे बोल सुनावले आहेत आणि अवैध धंदे बंद करण्याचे आदेश दिले आहेत. ते रविवारी बारामती दौऱ्यावर होते पाहुणेवाडी या ठिकाणी राष्ट्रवादी संपर्क कार्यालयाच्या उद्घाटन प्रसंगी बोलत ...

गौतमी पाटील चा कार्यक्रम, आता खिशाला कात्री.. गौतमी पाटील चा कार्यक्रम म्हंटल की महाराष्ट्रात तरुणाईची तुफान गर्दी हे जणू काय समीकरणच बनले आहे. या गर्दीमुळे कधी दोन गटात राडा बघायला मिळतो तर कधी तरूणाईची हुल्लडबाजी. यामुळे स्थनिक पोलीस यंत्रणेवर देखील मोठा ताण निर्माण होतो. यासाठी सोलापूर पोलिसांनी शक्कल लढवली आहे. सबसे कातिल म्हणून गौतमी पाटील ची  ओळख निर्माण झाली आहे. डान्सर गौतमीच्या कार्यक्रमाबाबत एक माहिती समोर आली आहे. ती म्हणजे आता सोलापूर जिल्ह्यातील कोणत्याही ठिकाणी जर तिचा कार्यक्रम असेल तर कार्यक्रम आयोजित करणाऱ्याच्या खिशाला कात्री लागणारं आहे. कारण गौतमीच्या कार्यक्रमा दरम्यान तुफान गर्दी होते. या गर्दीमुळे कधी दोन गटात राडा बघायला मिळतो तर कधी तरूणाईची हुल्लडबाजी. यामुळे स्थनिक पोलीस यंत्रणेवर देखील ताण निर्माण होतो. यासाठी पोलिसांनी शक्कल लढवली आहे. आता सोलापूरमध्ये जर गौतमीचा कार्यक्रम असेल तर गरजेनुसार पेड पोलीस बंदोबस्त देण्यास सुरुवात केली आहे. शुकवारी (19 मे) सांगोला तालुक्यातील घेरडी येथे अशाच पद्धतीचा पेड पोलीस बंदोबस्तात कार्यक्रम पार पडला आहे. पोलीस बंदोबस्त...

जेजुरी येथील मार्तंड देवस्थानच्या विश्वस्तपदी बारामतीचे युवा नेते अभिकाका देवकाते..  यंदा प्रथमच बारामतीच्या दोघांना जेजुरीच्या मार्तंड देवस्थानच्या विश्वस्तपदावर काम करण्याची संधी.. बारामती : अखंड महाराष्ट्राचे कुलदैवत असलेल्या जेजुरी येथील मार्तंड देवस्थानच्या विश्वस्तपदी शुक्रवारी धर्मादाय कार्यालयाकडून सात विश्वस्तपदांची नावे जाहीर करण्यात आली आहे. त्यामध्ये  अभिजित अरविंद देवकाते (रा. बारामती), डॉ. राजेंद्र बबन खेडेकर (रा. कोथरूड), मंगेश अशोक घोणे (रा. जेजुरी), विश्वास गोविंद पानसे (रा. बारामती), अनिल रावसाहेब सौंदाडे, पुणे बार असोसिएशनचे माजी अध्यक्ष ऍड. पांडुरंग ज्योतिबा थोरवे (रा. बालेवाडी) आणि पोपट सदाशिव खोमणे (रा. जेजुरी) अशी नवनियुक्त विश्वस्तांची नावे आहेत.  विश्वस्तपदांसाठी झालेल्या नेमणूका ह्या पाच वर्षांसाठी असणार आहे. याआधी जेजुरी देवस्थान विश्वस्तांच्या नेमणुका 2017 ला झाल्या होत्या. त्यांची मुदत डिसेंबर- 2022 मध्ये संपली होती. यानंतर नवीन विश्वस्तांच्या पदासाठी अनेकांनी अर्ज दाखल केले होते. त्यांच्या मुलाखती घेण्यात आल्या. त्यापैकी या सात जणांची नेमणूक ...

यंदा मान्सून वेळेच्या तीन दिवस अगोदरच येणार; महाराष्ट्रात होणार मान्सूनचे या तारखेला आगमन.. महाराष्ट्रात सात जूनपर्यंत दाखल होणार मान्सून.. बारामती : राज्यभरात गेल्या पंधरा दिवसांपासून तापमानाचा पारा अधिकच वाढला आहे. त्यामुळे उकाडा जाणवत असून, अंगाची लाहीलाही होत आहे. अशा वातावरणात आता लोक पावसाची आतुरतेनं वाट पाहू लागले आहेत. केव्हा एकदाचा पाऊस पडेल अन् उकाड्यापासून केव्हा सुटका होईल अशी सर्वसामान्यांची अवस्था झाली आहे. यासंदर्भात हवामान विभागाने एक दिलासादायक बातमी दिली आहे.  हवामान विभागाचे ज्येष्ठ शास्त्रज्ञ के.एस. होसलीकर यांनी दिलेल्या माहितीनुसार, नैऋत्य मान्सून आता अंदमान समुद्रात दाखल झाला आहे. नैऋत्य मान्सूनचे दक्षिण पूर्व बंगालच्या उपसागरात, निकोबार बेटांवर, दक्षिण अंदमान समुद्रात १९ मे रोजी आगमन झाले. पुढील ३-४ दिवसांत नैऋत्य मान्सून, दक्षिण बंगालच्या उपसागराच्या आणखी काही भागात, अंदमान समुद्र, अंदमान निकोबार बेटांवर आणखी पुढे जाण्यासाठी परिस्थिती अनुकूल असल्याचे सांगितले आहे. महाराष्ट्रात सात जूनपर्यंत येणार मान्सून.. मान्सून अंदमानमध्ये 22 मे रोजी दाखल होतो. मात्र याव...

पुन्हा नोट बंदी.. घाबरु नका वाचा काय आहेत आरबीआयाचे निर्देश.. 2 हजारांच्या नोटा आरबीआय अॅक्ट 1934 सेक्शन 24 (1) अंतर्गत आणल्या गेल्या होत्या. जुन्या 500 आणि 1 हजार रुपयांच्या नोटा चलनातून बाद झाल्यानंतर नोटांची तूट होऊ नये म्हणून 2 हजार रुपयांच्या नोटा चलनात आणल्या गेल्या होत्या. दुसऱ्या नोटा बाजारात मुबलक प्रमाणात उपलब्ध झाल्यानंतर 2 हजार रुपयांच्या नोटांचं उद्दीष्ट संपलं होतं, त्यामुळे 2018-19 सालीच 2 हजारांच्या नोटांची छपाई बंद झाली होती. कशा बदलून घेणार नोटा? 1. ज्यांच्याकडे 2000 रुपयांच्या नोटा आहेत, ते नागरीक 2000 रुपयांच्या नोटा बँक खात्यात जमा करु शकतात किंवा बँकेच्या शाखेत जाऊन इतर नोटांद्वारे बदलू शकतात. 2. बँकांमध्ये 2000 रुपयांच्या नोटा बदलून घेण्याबाबत कोणतेही निर्बंध नाहीत. बँकांना याबाबत स्वतंत्रपणे नियम जारी करण्यात येणार आहे. 3. 23 मे 2023 पासून 2000 रुपयांच्या नोटा 20000 रुपयांच्या मर्यादेपर्यंत बदलता येतील. 4. ज्यांच्याकडे 2000 रुपयांच्या नोटा आहेत ते 30 सप्टेंबर 2023 पर्यंत 2000 रुपयांची नोट बदलू शकतात. आरबीआयने यासंदर्भात बँकांना स्वतंत्रपणे मार्गदर्शक सूचना जारी क...

भारतीय रिझर्व्ह बॅंकेने २ हजार रुपयांची नोट आता चलनातून केली बंद.. पुन्हा एकदा जनतेला धक्का..  भारतीय रिझर्व्ह बॅंकेने २ हजार रुपयांच्या नोटा आता चलनातून बंद करण्याचा निर्णय जाहीर केला आहे. त्या पार्श्वभूमीवर येत्या तीन महिन्यात या नोटा मागे घेतल्या जाणार आहेत. ३० सप्टेंबरपूर्वी ग्राहकांना आपल्याकडील नोटा बदलून घेता येणार असल्याचे भारतीय रिझर्व्ह बॅंकेकडून सांगण्यात आले आहे. २०१६ मध्ये झालेल्या नोटबंदीवेळी बाजारात २ हजार रुपयांची नोट चलनात आली होती. मात्र २०१८-१९ मध्येच या नोटांची छपाई बंद करण्यात आली. आज रिझर्व्ह बॅंकेने या नोटा चलनातून बंद करण्याचा निर्णय जाहीर केला आहे. ३० सप्टेंबरपर्यंत या नोटा बदलून घेण्याची मुदत रिझर्व्ह बॅंकेने दिली आहे. नोटा बदलून घेण्यासाठी काही अटी लागू करण्यात आल्या आहेत. त्यामध्ये एकाच वेळी केवळ २० हजार रुपयेच बदलून घेता येतील असेही रिझर्व्ह बॅंकेकडून जाहीर करण्यात आले आहे. मागील काही काळात २ हजाराची नोट बंद होणार अशी चर्चा होती. त्यावर अखेर शिक्कामोर्तब झाले आहे यामुळे आता पुन्हा ज्यांच्या कडे 2 हजारांच्या नोटा आहेत त्यांना बँकेत नोटा जमा करण्यासाठ...

कांदाचाळीसाठी शेतकऱ्यांना मिळणार १ लाख ६० हजार रुपयांचे अनुदान... संदीपान भुमरे रोजगार हमी योजना आणि फलोत्पादन मंत्री यांची माहिती. मुबई: महात्मा गांधी राष्ट्रीय ग्रामीण रोजगार हमी योजनेंतर्गत कांदे साठवण करण्याचे गोदाम म्हणून कांदाचाळ उभारण्यासाठी १ लाख ६० हजार ३६७ अनुदान देण्यात येणार असल्याची माहिती रोजगार हमी योजना आणि फलोत्पादन मंत्री संदिपान भुमरे यांनी दिली. यासंदर्भात शासन निर्णय निर्गमित करण्यात आल्याचे त्यांनी सांगितले. रांगडा हंगामातील कांदा सुकवून साठविला जाऊ शकतो. परंतु कांदा साठविण्यासाठी वैज्ञानिक दृष्टिकोनातून तयार केलेले गोदाम उपलब्ध नसल्याने खरीप हंगामातील कांदा काढला की लगेच विकावा लागतो. कांद्याचे उत्पादन ठरावीक हंगामात येते. मागणी मात्र वर्षभर सारखीच असते. कांद्याचे पीक निघाल्यावर मागणी नसल्यामुळे बाजारात कांद्याचा भाव पडतो. याचा शेतकऱ्यांना मोठा फटका बसतो. त्यामुळे कांद्याच्या बाजार भावातील चढ-उतार पासून सुरक्षा, स्थानिक बाजारपेठेत योग्य दरात पुरवठा व निर्यातीची मागणी भागविण्यासाठी कांदा साठवणूक क्षमता वाढविणे गरजेचे असल्याचे श्री. भुमरे यांनी सांगितले. कांदा ही ए...

पतीच्या निधनानंतर कोणत्याही महिलेला समाजाने पुर्वीइतक्याच सन्मानाने वागविले पाहिजे.. खासदार सुप्रिया सुळे  इंदापूर : बारामती लोकसभा मतदारसंघातील इंदापूर तालुक्याच्या दौऱ्यावर असताना खासदार सुप्रिया सुळे यांनी वरकुटे बुद्रुक गावाला भेट दिली. त्याठिकाणी पती निधनानंतर एकल झालेल्या सुलन सुदाम देवकर,सारिका महेश चितळकर,सोनाली राजेश गायकवाड, कल्पना शशिकांत चव्हाण आणि आशा अमोल पोळ या भगिनी त्यांना भेटल्या.  समाजातील प्रत्येक व्यक्तीला, मग ती स्त्री असो की पुरुष, आपल्या संविधानाने सन्मानाने जगण्याचा हक्क दिला आहे, असे सांगत खासदार सुळे यांनी पतीनिधनानंतर कोणत्याही महिलेला समाजाने पुर्वीइतक्याच सन्मानाने वागविले पाहिजे, अशी भावना व्यक्त केली आणि त्या सर्व महिलांना कुंकू लावले.  अतिशय भावूक करणारा तो प्रसंग होता. सामाजिक परिवर्तन होणार नसेल तर शिक्षणाला अर्थ नाही, असे सांगत सुळे यांनी यावेळी एकल महिलांना सन्मान मिळवून देण्यासाठी आणि अनिष्ट प्रथा मोडून काढण्यासाठी आपण सर्व सुशिक्षित नागरीकांनी पुढाकार घेतला पाहिजे, अशी अपेक्षा खासदार सुप्रिया सुळे यांनी यावेळी व्यक्त केली.

पंतप्रधान नरेंद्र मोदी करणार 28 मे ला नविन संसद भवन इमारतीचे लोकार्पण.. दिल्ली नवीन संसद भवन.. दिल्ली न्यूज... देशालाच नव्हे तर जगाला हेवा वाटेल अशा नव्या संसद भवनाच्या इमारतीचे लोकार्पण भारत देशाचे लोकप्रिय पंतप्रधान नरेंद्र मोदी 28 मे रोजी करणार आहेत. लोकसभा अध्यक्ष ओम बिर्ला यांनी पंतप्रधानांची भेट घेत त्यांना संसद भवनाच्या इमारतीच्या उद्घाटनाचे निमंत्रण दिले. लोकसभा सचिवालयाच्या माहितीनुसार नव्या संसद भवनाच्या इमारतीचे काम पूर्ण झाले असून ही इमारत आत्मनिर्भर भारताच्या भावनेचे प्रतिक असणार आहे. दिल्लीतील नवे संसद भवन चार मजली असून या इमारतीमध्ये मंत्री आणि पक्ष कार्यालयाबरोबरच प्रत्येक खासदारासाठी कार्यालयाची स्वतंत्र खोली असणार आहे. जुन्या संसद भवनापेक्षा नव्या संसदेचे स्वरुप भव्य असे आहे. या संसद भवनाचे कर्मचाऱ्यांच्या वेशभूषेचे डिझाइन एनआयएफटीने केलेले आहे. नवे संसद भवन सेंट्रल विस्टा पुनर्विकासाचा एक हिस्सा आहे. राष्ट्रपती भवन ते इंडिया गेट पर्यंत तीन किलोमीटर रस्त्यांचे पुनर्बांधणी, एक केंद्रीय सचिवालय, पंतप्रधानासाठी नवे कार्यालय आणि निवास अशा इमारतींची निर्मिती या योजनेव्दारे...

निवडुंग वनस्पती अनेक रोगांवर फायदेशीर ..  निवडुंग ही वनस्पती शुष्क वाळवंटी प्रदेशात तग धरून राहणारी वनस्पती म्हणून ओळखली जाते. पानांमध्ये पाण्याचा साठा करून ठेवणारी वनस्पती आहे. या झाडाच्या पानांना आणि त्यातील लाल फळांना देखील खुप काटे असतात. निवडुंगाला येणारे फळ खाल्याने अनेक अजारांवर उपचार होत असल्याचे बोलले जाते. हे झाड पूर्णपणे काटेरी असल्यामुळे अनेक लहान पक्षी आपले व पिल्लांचे साप आणि शिकारी पक्ष्यांपासून संरक्षण होण्यासाठी या झाडामध्ये घरटी बांधत असतात. तसेच या झाडाची फळे आवडीने खातात. निवडुंग यांची १२७ संघटित वंशांमधील फक्त १७१५ जातींबद्दल माहिती आहे. अनेक प्रकारची औषधे बनवण्यासाठी वापर केला जातो. काही निवडुंग जाती त्वचेसंबंधी विकार, त्वचेचा कॅन्सर अशा रोगांवर औषध बनवण्यासाठी वापरले जात असल्याचे सांगितले जाते.

अखेर कर्नाटक राज्याच्या मुख्यमंत्री पदाची झाली घोषणा.. ओबीसी नेते, धनगर समाजाचे सुपुत्र सिध्दरामय्या होणार कर्नाटक राज्याचे दुसऱ्यांदा मुख्यमंत्री.. कर्नाटकच्या मुख्यमंत्र्यांच्या नावाची घोषणा अखेर झाली , राज्यातील ओबीसी आणि मागासवर्गीयांचे प्रभावशाली नेते म्हणून ओळख असलेल्या सिध्दरामय्या यांना दुसऱ्यांदा संधी मिळाली. या निवडीनंतर कर्नाटकसह महाराष्ट्रातील सीमावर्ती भागातील धनगर समाजात उत्साहाचे वातावरण आहे. यापूर्वी सिध्दरामय्या यांनी २०१३ ते २०१८ अशी सलग पाच वर्षे मुख्यमंत्री पद भूषविले आहे. कर्नाटकच्या राजकारणात मागील चाळीस वर्षात सलग पाच वर्षे संधी मिळालेले ते एकमेव मुख्यमंत्री आहेत. म्हैसूरजवळील वरूणा या त्यांच्या पारंपरिक मतदारसंघातून ते विजयी झाले आहेत. वकिलीचे शिक्षण घेतलेले सिध्दरामय्या हे राज्यात मास लीडर म्हणून ओळखले जातात. यापूर्वी कर्नाटकात त्यांनी उपमुख्यमंत्री, प्रदेशाध्यक्ष, विरोधी पक्षनेते अशा अनेक पदांवर काम केले आहे. ते सलग तेरा वर्षे अर्थमंत्री होते त्यावेळी सलग तेरा वर्षे अर्थसंकल्प मांडण्याच्या विक्रमाची नोंद गिनीज बुकात आहे. ते कर्नाटकातील दबंग नेते म्हणून प्रसिद्...

जमत असेल तर कारखाना चालवावा नाहीतर दुसऱ्याला चालवायला द्या खासदार सुप्रिया सुळे यांचा माजी मंत्री हर्षवर्धन पाटील यांना सल्ला... गेल्या पाच महिन्यांपासून माजी मंत्री हर्षवर्धन पाटील यांच्या दोन सहकारी कारखान्यांची ऊसाची बिले थकलीत..  इंदापूर : बारामतीच्या खासदार सुप्रिया सुळे या आज ( गुरुवारी ) इंदापूर तालुक्याच्या दौऱ्यावर होत्या. यावेळी इंदापूर तालुक्यातील कर्मयोगी व निरा-भिमा कारखान्यांनी ऊस बिल न दिल्याबाबत विविध गावात सभासदांनी  मांडलेल्या अडचणी बाबत बोलताना खा.सुळे म्हणाल्या, ऊसाची बिले वेळेवर दिली पाहिजेत. याबाबत साखर आयुक्त यांच्याशी बोलणार आहे. तसेच जमत असेल तर चालवा नाहीतर दुसऱ्याला चालवायला द्या असा टोला ही खा. सुळे यांनी हर्षवर्धन पाटील यांचे नाव न घेता लगावला आहे.

बारामती तालुका पोलीस ठाण्याच्या हद्दीत ४८ लाखांचा हिरा पान मसाला व रॉयल गुटखा जप्त. . बारामती : बारामती तालुका पोलीस ठाण्याच्या हद्दीत पुणे ग्रामीण स्थानिक गुन्हा अन्वेषण विभागाने ४८ लाखांचा हिरा पान मसाला व रॉयल गुटख्याचा मुद्देमाल जप्त करत दादा उर्फ नारायण रमेश पिसाळ (रा. प्रगतीनगर क्रिएटिव्ह अकॅडमी, बारामती, जि. पुणे) शरद सोनवणे रा. सांगोला, जि. सोलापूर ) यांच्यासह प्रशांत गांधी (रा. बारामती, जि. पुणे) यांच्यावर बारामती तालुका पोलीस ठाण्यात स्थानिक गुन्हे शाखेचे पोलीस हवालदार अभिजीत दत्तात्रय एकशिंगे यांच्या फिर्यादीनुसार भादंवि कलम ३९४, ३४ अन्वये तसेच कलम ३३८,१८८,३३८, २७३,२७२ अन्नसुरक्षा मानके अधिनियम २००६ कलम २६ (२) ( i),२७(३)(d),२७(३) (e), २६ (२), (iv) ३० (2), (a ) ५९ ( iii) अन्वये गुन्हा दाखल करण्यात आला आहे.  सदरचा मुद्देमाल हस्तगत करण्यात आला असून, अन्नसुरक्षा अधिकारी श्रीमती शु.जी. कर्णे यांच्याकडे सोपविण्यात आला आहे. याबाबत पुणे ग्रामीण स्थानिक गुन्हे अन्वेषण विभागाच्या माहितीनुसार, स्थानिक गुन्हे शाखेचे पोलीस निरीक्षक अविनाश शिळीमकर यांना मिळालेल्या गुप्त माहिती नुसार, ...