बारामतीच्या मच्छिंद्र टिंगरे यांना भाजप कडून मोठी जबाबदारी..
भाजपच्या महाराष्ट्र प्रदेश कार्यकारिणी सदस्य म्हणून मच्छिंद्र टिंगरे यांचा समावेश..
बारामती : भाजपने मिशन बारामती हाती घेतले आहे. भाजपच्या नेत्यांचा बारामती लोकसभा आणि विधानसभा मतदारसंघात वावर वाढलेला असतानाच भाजपच्या प्रदेश कार्यकारिणी सदस्य म्हणून बारामतीच्या मच्छिंद्र टिंगरे यांचा समावेश केला आहे.
भाजपचे प्रदेशाध्यक्ष चंद्रशेखर बावनकुळे यांनी टिंगरे यांना मुबंई येथील मुख्य कार्यालयात निवडीचे पत्र दिले. भाजपने अतिशय सामान्य कुटुंबातील सामाजिक कार्यकर्ता असलेल्या टिंगरे यांची थेट वरच्या फळीतील नेत्याच्या यादीत समावेश केल्यामुळे राजकीय चर्चांना उधाण आले आहे. मात्र त्यांच्या निवडीने युवकांमध्ये नवचैतन्य निर्माण झाले आहे.
प्रदेश कार्यकारिणीत विशेष निमंत्रीत सदस्य असलेली कार्यकारिणी तयार करण्यात आली आहे. या सदस्यांच्या यादीत उपमुख्यमंत्री देवेंद्र फडणवीस, केंद्रीय मंत्री नितीन गडकरी यांच्यासह राज्यातील प्रमुख नेत्यांचा तसेच केंद्रीय मंत्री, राज्यातील सर्व विद्यमान मंत्री, आमदार, प्रमुख माजी आमदार, खासदार व अतिमहत्त्वाच्या नेत्यांच्या समावेश करण्यात आला आहे. या कार्यकारिणीला विशेष कार्यकारिणीचा दर्जा देण्यात आला आहे. टिंगरे यांचा देखील या कार्यकारिणीत समावेश करण्यात आला आहे.
पंतप्रधान नरेंद्र मोदी यांचे विचार, कानाकोपऱ्यात पोहोचवण्यासाठी प्रदेशाध्यक्ष चंद्रशेखर बावनकुळे, उपमुख्यमंत्री देवेंद्र फडणवीस यांच्या मार्गदर्शनाखाली कार्यरत राहणार आहे. भाजप पक्षाने आणि केंद्र सरकार, राज्य सरकार यांच्या माध्यमातून राबविण्यात येणाऱ्या सर्व योजना सर्वसामान्य माणसापर्यत पोहचवण्याचे काम तत्परतेने केले जाईल. तसेच शासकीय पातळीवर व आरोग्याची समस्या तातडीने मार्गी लावल्या जातील असे आश्वासन नवनिर्वाचित भाजपचे महाराष्ट्र प्रदेश कार्यकारिणी सदस्य मच्छिंद्र टिंगरे यांनी सांगितले.
टिप्पण्या
टिप्पणी पोस्ट करा