बारामती तालुका पोलीस ठाण्यात जागतिक महिला दिनाचे औचित्य साधून विविध उपक्रमाचे आयोजन..

बारामती तालुका पोलीस ठाण्यात जागतिक महिला दिनाचे औचित्य साधून विविध उपक्रमाचे आयोजन..

पोलीस कर्मचारी आणि कुटुंबीयांची आरोग्य तपासणी व रक्तदान शिबिर..

बारामती : बारामती तालुका पोलीस ठाण्यात जागतिक महिला दिनाचे औचित्य साधून विविध उपक्रमाचे आयोजन मंगळवारी ( ता. 11 ) करण्यात आले होते. बारामती तालुका पोलीस स्टेशन, बारामती हॉस्पिटल तसेच पुण्यश्लोक अहिल्यादेवी होळकर शासकीय वैद्यकीय महाविद्यालय बारामती यांच्या संयुक्त विद्यमानाने पोलीस कर्मचारी आणि कुटुंबीयांची आरोग्य तपासणी व रक्तदान शिबिर आयोजित करण्यात आले होते. यामध्ये लठ्ठपणाची तपासणी, डोळ्याची तपासणी, साखरेचे प्रमाण, रक्तदाब तपासनी ऑक्सिजनची पातळी तपासणी तसेच आरोग्य विषयक मोफत तपासण्या करण्यात आल्या. त्याचबरोबर रक्तदान शिबिराचे आयोजन देखील करण्यात आले होते. यावेळी बारामती तालुका पोलीस ठाण्यातील सर्व अधिकारी व अंमलदार यांचीही या शिबिरात विविध तपासण्या करण्यात आल्या. यावेळी उपविभागीय पोलीस अधिकारी सुदर्शन राठोड, बारामती तालुका पोलीस निरीक्षक वैशाली पाटील,आदी पोलीस कर्मचारी उपस्थित होते. 

सध्या अनेक ठिकाणी मोठ्या प्रमाणामध्ये गुन्हे घडत आहेत यामुळे पोलिसांवर गुन्हेगारी रोखण्यासाठी त्याचबरोबर गुन्हेगारांना ताब्यात घेण्यासाठी रात्रीचा दिवस करावा लागतो. कामाच्या व्यापामुळे जास्त प्रमाणात जागरण होत असते त्याबरोबर ताण तणाव वाढतो यामुळे पोलीसाचे आपल्या आरोग्याकडे आपसुकच दुर्लक्ष होत असते. यामुळे आरोग्यावर विपरीत परिणाम होत असतो वेळीच आरोग्याची तपासणी केली तर आरोग्य सुदृढ राहण्यास मदत होते यामुळेच बारामती तालुका पोलीस ठाण्याने पोलीस कर्मचाऱ्यांसाठी आयोजित आरोग्य शिबिर कौतुकास्पद ठरत आहे.