झारगडवाडीत नवरात्र उत्सव मोठ्या उत्साहात होतोय साजरा..

झारगडवाडीत नवरात्र उत्सव मोठ्या उत्साहात.. 

नऊ दिवस भाविकांना भरदास्त मनोरंजनाचे कार्यक्रम..

झारगडवाडीत शारदीय नवरात्र उत्सव मोठ्या उत्साहात साजरा केला जातो.. या ठिकाणी सार्वजनिक नवरात्र उत्सव मंडळाच्या वतीने भरदास्त कार्यक्रमाचे आयोजन नऊ दिवस होत असते.. पहिल्या माळेपासून नवव्या माळेपर्यंत भाविकांसाठी मनोरंजनाचे कार्यक्रम असतात यामध्ये पोतराजाचा मेळा, स्वर चंदन गाण्याचा कार्यक्रम, रेखा गेजगे यांचा गायन पार्टीचा कार्यक्रम, स्थानिकांसाठी डान्स स्पर्धा, जय भवानी आराधी वाळकी देलवडी मंडळाचा कार्यक्रम, खास महिलांसाठी होम मिनिस्टर, होम यज्ञ आणि स्थानिक आराधी मंडळ यांचा गाण्याचा कार्यक्रम, शेवटच्या दिवशी गट विसर्जनाचा कार्यक्रम आणि विजयादशमीच्या दिवशी देवीचा छबिना म्हणजेच काठीची भव्य मिरवणूक गावातून काढली जाते असे नऊ दिवस झारगडवाडी येथील भवानी माता मंदिरामध्ये सार्वजनिक नवरात्र उत्सव मंडळ यांच्यावतीने कार्यक्रम राबविण्यात आले आहेत. नवरात्री उत्सवाच्या निमित्ताने या मंदिराला मोठ्या प्रमाणात विद्युत रोषणाई करण्यात आली असल्याने मंदिर प्रकाशाने उजळून निघाल आहे..

झारगडवाडी ( बारामती ) येथील भवानी मातेचा मंदिर जवळपास 100 वर्षापासून असल्याचे बोलले जात आहे.. त्यावेळी भवानी मातेचा उगम झाल्याचं वडीलधाऱ्या माणसाकडून सांगितलं जातय.. तरवाडाच्या बुडामध्ये भवानी मातेची मूर्ती दिसून आली पूर्वीच्या माणसाने त्या ठिकाणी मूर्तीचे प्राणप्रतिष्ठा करून छोटसं मंदिर उभारलं यानंतर पूजा अर्चा झाल्यानंतर हळूहळू त्याच जागेवरती गावकऱ्यांनी लोकवर्गणी करून आता भव्य मंदिर उभारण्यात आल आहे.. ही देवी नवसाला पावणारी देवी म्हणून झारगडवाडी व पंचक्रोशीत प्रसिद्ध आहे यामुळे या ठिकाणी नवरात्र उत्सवातच नव्हे तर इतर दिवशी देखील भावीक या ठिकाणी येऊन दर्शन घेत असतात अशी या मंदिराचे आख्यायिका सांगितले जात आहे.. झारगडवाडी ग्रामपंचायत आणि सार्वजनिक नवरात्र उत्सव मंडळ यांच्यावतीने मंदिरासाठी संरक्षण भिंत बांधण्यात आली आहे त्याचबरोबर मंदिराच्या परिसरात दानशूर व्यक्तीनी सुशोभीकरण करून दिले आहे.. यामुळे या ठिकाणी भवानी माता मंदिर प्रशस्त दिसून येत आहे.. 

नवरात्री उत्सवानिमित्त गावातील भवानी माता मंदिराकडे येणाऱ्या रस्त्यावरील झाडे जुडपे ग्रामपंचायत च्या वतीने करण्यात आली तसेच रस्त्यावरती मुरूम टाकण्यात आला. त्यामुळे भाविकांकडून या निर्णयाचे स्वागत होत आहे यामध्ये बारामती कृषी उत्पन्न बाजार समितीचे माजी संचालक राजेंद्र बोरकर, झारगडवाडी गावचे सरपंच अजित बोरकर, सदस्य अजित बुरुंगले, तंटामुक्ती अध्यक्ष गोरख बोरकर, संतोष मासाळ, रामभाऊ करे यांनी पुढाकार घेतला..