सोनगांव, झारगडवाडी येथील महादेव मंदिरात श्रावणातील शेवटच्या चौथ्या सोमवारी भाविकांची अलोट गर्दी..

सोनगांव येथील सोनेश्वर मंदिरात आणि झारगडवाडी येथील महादेव मंदिरात श्रावणातील शेवटच्या चौथ्या सोमवारी भाविकांची अलोट गर्दी..

बारामती  : क-हा व निरा नदीच्या पवित्र संगमावर वसलेले बारामती तालुक्यातील सोनगांव येथील जागृत देवस्थान असलेल्या सोनेश्वर मंदिरात आणि झारगडवाडी येथील महादेव मंदिरा आज श्रावण महिन्यांतील शेवटच्या चौथ्या सोमवार निमित्त दर्शनासाठी भाविकांनी पहाटेपासूनच अलोट गर्दी झाल्याचे पहायला मिळाली. सोनगांव येथील मंदिरात राज्यभरातून हजारो भाविकांनी येत दर्शन घेतले. याचबरोबर मंदिराकडे जाण्यासाठी कऱ्हा- नीरा नदीतील नौका विहाराचा आणि पर्यटनाचा देखील आनंद घेतला आहे.

श्री सोनेश्वर मंदिर हे पुणे जिल्यातील प्रमुख संगम क्षेत्रातील क-हा निरा नदीच्या पवित्र संगमावर बारामती पासून बारा किलोमीटर पूर्वेला वसलेले आहे. निरा व भीमा संगम व तेथून भीमा चंद्रभागा नाम पावून पंढरपूर क्षेत्री हा प्रवाह जातो. भीमा शिवरूप, निरा विश्वरूप व क-हा ब्रह्मरूप समजली जाते. त्याच्या निर्मितीच्या आख्यायिका पारंपरिक पौराणीक पद्धतीने प्रचलित आहेत. क-हा किंवा पौराणीक नाम करीयागंगा तीरावर उगमापासून ( म्हणजे जेजुरी गडाच्या जवळ ) अकरा लिंगे व त्याची भारणसूद महादेव मंदिरे आज काही सुस्थितीत तर बरीच दुरावस्थेत आहेत. व त्यापैकीच सुस्थितीत असलेले सोनगाव हे पुरातन मंदिर आहे. पौराणीक माकॅडेय श्रषीॅनी श्री शिवकृपेने कल्प आयुष्य प्राप्त झाल्यावर त्यांनी शिव आराधना व त्या अनुषंगाने काल व्यतीत करण्याचे ठरवून त्याप्रमाणे दुर्गम व दिनदुबळयासाठी शंकराच्या बलाढ्य भुते शक्तीच्या साहाय्याने 11 शिवमंदिरे स्थापन केली. श्री माकॅडेय श्रषीमुळे ही स्थाने शिवकृपेने जागृत समजली जातात बारामती कसबा येथील श्री काशिविश्वेश्वर, मेडद येथील भीमाशंकर व श्री सोनेश्वर हे अकरावे मंदिर आहे. या ठिकाणी परिसाचा नंदी होता, सुवर्णलिंग आणि सोन्याचा कळस होता म्हणून त्यास सोनेश्वर म्हटले जाते, अशी या सोनगांव ( बारामती ) मधील सोनेश्वर मंदिराची अख्यायिका आहे.

हे मंदिर कऱ्हा नीरा नदीच्या संगमावर वसलेले आहे या ठिकाणी दोन्ही नद्यांचा संगम असल्याने पाणी मोठ्या प्रमाणात असते. याठिकाणी निसर्गरम्य वातावरण आहे यामुळे भाविक मोठ्या संख्येने याठिकाणी दर्शन घेण्यासाठी येतात. कुठलीही अडचण येऊ नये म्हणून भाविकांना दर्शनासाठी ये जा करण्यासाठी लाकडी नौका विहाराच्या माध्यमातून कायमस्वरूपी व्यवस्था करण्यात आली आहे यामुळे दर्शना बरोबर पर्यटनाचा देखील आनंद भाविकांना या ठिकाणी मिळत असतो.