झारगडवाडीत संसदरत्न खासदार सुप्रिया सुळे यांच्या वाढदिवसा निमित्त प्राथमिक शाळेत शैक्षणिक साहित्य वाटप..

झारगडवाडीत संसदरत्न खासदार सुप्रिया सुळे यांच्या वाढदिवसा निमित्त प्राथमिक शाळेत शैक्षणिक साहित्य वाटप..

बारामती लोकसभेच्या संसदरत्न खासदार सुप्रिया सुळे यांच्या वाढदिवसा निमित्त शनिवारी ( दि. १ ) बारामती तालुक्यातील झारगडवाडी येथील जिल्हा परिषद प्राथमिक शाळेतील पहिली ते चौथीच्या सर्व १९२ विद्यार्थ्यांना वही, पेन, पेन्सिल साहित्य वाटप करण्यात आले. हे वाटप झारगडवाडी ग्रामपंचायतचे सदस्य अजित बोरकर यांच्या वतीने देण्यात आले. या साहित्याचे वाटप, छत्रपती साखर कारखान्याचे संचालक नारायण कोळेकर, बाजार समितीचे माजी संचालक राजेंद्र बोरकर, उपसरपंच रामभाऊ करे, माजी सरपंच नितीन शेडगे, माजी सरपंच संतोष मासाळ यांच्या हस्ते करण्यात आले. यावेळी राहूल बिचकुले, सुरेश बोरकर, मुख्याध्यापक हनुमंत जाधव धोंडीबा लाटे, शिक्षक अशोक लडकत, सुनीता गुरव, सुवर्णा नाळे, संगीता भोसले, आशा लडकत, शैलजा वाडते आदी मान्यवर उपस्थित होते.

पुष्पगुच्छ, भेटवस्तूऐवजी गरजू मुलांना आवश्यक साहित्य वाटप करावे असे आव्हान खासदार सुप्रिया सुळे यांनी राष्ट्रवादी काँग्रेस पक्ष आणि शुभंचिंतकांना केले होते त्यानुसार आपली समाजाप्रतीची असलेली बांधिलकी जपत गरजू मुलांच्या चेहऱ्यावर हास्य फुलवण्याचा चा छोटासा उपक्रम म्हणून आज जिल्हा परिषद प्राथमिक शाळेत राबविल्याचे  झारगडवाडी ग्रामपंचायतचे सदस्य अजित बोरकर यांनी सांगितले.