झारगडवाडी येथील राणाप्रताप ग्रामीण बिगर शेती सहकारी पतसंस्थेची सर्वसाधारण सभा खेळीमेळीत पडली पार..

झारगडवाडी येथील राणाप्रताप ग्रामीण बिगर शेती सहकारी पतसंस्थेची सर्वसाधारण सभा खेळीमेळीत पडली पार..

राणाप्रताप ग्रामीण बिगर शेती सहकारी पतसंस्था झारगडवाडी या संस्थेचे सन 2022- 23 या आर्थिक वर्षाची २१ वी वार्षिक सर्वसाधारण सभा संस्थेचे अध्यक्ष व बारामती तालुका पतसंस्था फेडरेशनचे संचालक नानासाहेब झारगड यांच्या अध्यक्षतेखाली  नुकतीच पार पडली. या सर्वसाधारण सभेमध्ये या संस्थेच्या सभासदांना दहा टक्के लाभांश वाटप करण्यात आला.

आर्थिक वर्षामध्ये संस्थेकडे 964 सभासद असून संस्थेचे भाग भांडवल 91 लाखाच्या पुढे असून संस्थेकडे 8 कोटी 43 लाख रुपयांच्या ठेवी आहेत संस्थेने आतापर्यंत जवळपास सात कोटी 91 लाख रुपया पर्यंत कर्ज वाटप केले आहे. संस्थेला साधारण 11 लाख 92 हजार 794 रुपये एवढा नफा झालेला आहे. संस्थेचा एन.पी. ए. 4.91% असून संस्थेला ऑडिट वर्ग अ चा दर्जा मिळालेला आहे.  या सर्वसाधारण सभेला बारामती तालुका पतसंस्था फेडरेशनचे चेअरमन तानाजी कर्चे, लेखापाल अधिकारी किरण चौधरी, सहकार शिक्षण अधिकारी संजय नेवसे, पी डी सी बँकेचे कर्मचारी संजय निकम, झारगडवाडी गावचे माजी सरपंच नितीन शेडगे, राणाप्रताप पतसंस्थेचे व्हाईस चेअरमन हनुमंत देवकाते, सचिव दिलीप झारगड, व्यवस्थापक हनुमंत शिंदे, संदीप दळवी, शिपाई राजेंद्र आवटे सभासद वर्ग आणि मान्यवर मोठ्या संख्येने उपस्थित होते. या वार्षिक सर्वसाधारण सभेचे सूत्रसंचालन अनिल रुपनवर सर यांनी केले तर आभार राणाप्रताप पतसंस्थेचे संचालक रणजीत देवकाते यांनी मानले.

नानासाहेब झारगड (चेअरमन राणाप्रताप पतसंस्था) - राणाप्रताप पतसंस्थेच्या माध्यमातून झारगडवाडी आणि परिसरातील अनेक भागांमध्ये विविध सामाजिक, धार्मिक उपक्रम राबवले जातात. झारगडवाडी व परिसरातील  दरवर्षी शैक्षणिक क्षेत्रामध्ये गुणवंत झालेल्या विद्यार्थ्यांचा प्रशस्तीपत्रक देऊन सत्कार केला जातो. झारगडवाडी, डोर्लेवाडी गावातून जाणाऱ्या संतराज महाराज पालखी सोहळ्यातील वारकऱ्यांसाठी पाणीबोटल दूध बिस्कीट वाटपाचा कार्यक्रम घेतला जातो यावर्षी देखील तो झारगडवाडी गावात घेण्यात आला होता असे पतसंस्थेचे चेअरमन नानासाहेब झारगड यांनी सांगितले.