झारगडवाडीच्या सुप्रिया निकम हिची तालुका कृषी अधिकारी पदी निवड..

झारगडवाडीच्या सुप्रिया निकम हिची तालुका कृषी अधिकारी पदी निवड.. महाराष्ट्र लोकसेवा आयोगाच्या महाराष्ट्र कृषी सेवा परीक्षेतून झाली निवड..

उत्तुंग यश संपादन केल्याने सुप्रियावर अभिनंदन चा होतोय वर्षाव..

बारामती तालुक्यातील झारगडवाडी गावची सुप्रिया तानाजी निकम हिची महाराष्ट्र लोकसेवा आयोगाच्या महाराष्ट्र कृषी सेवा परीक्षा सन 2021 मधून पहिल्याच प्रयत्नात तालुका कृषी अधिकारी म्हणून निवड झाली आहे. तिने मिळवलेल्या यशाने तिचे सर्वत्र कौतुक आणि अभिनंदन केले जात आहे. रविवारी ( ता. 11 ) झारगडवाडी गावामध्ये गावकऱ्यांच्या वतीने तिची मिरवणूक काढण्यात आली. गावातील अहिल्यादेवी होळकर पुतळ्याजवळ तिचा सत्कार कार्यक्रम घेत भव्य स्वागत करण्यात आलं. यावेळी महिला मोठ्या संख्येने उपस्थित होत्या.

यावेळी बारामती कृषी उत्पन्न बाजार समितीचे सभापती सुनील पवार, छत्रपती कारखान्याचे संचालक नारायण कोळेकर, बारामती कृषी उत्पन्न बाजार समितीचे संचालक दयाराम महाडिक, बारामती दूध संघाचे विद्यमान संचालक श्रीपती जाधव, छत्रपती कारखान्याचे माझी एमडी अशोक मोरे, रमेश मोरे, अशोक नवले, सौ मंदाकिनी निकम, बारामती नगरपालिकेच्या माजी नगरसेविका आशा ताई माने, झारगडवाडी गावचे तंटामुक्ती अध्यक्ष गोरख बोरकर, सरपंच पदमनाभ निकम, माजी सरपंच नितीन शेडगे, उपसरपंच सोनाली करे, अनंत सहकारी सोसायटीचे चेअरमन राहुल साळुंके, हनुमंत झारगड, छत्रपती शिक्षण संस्थेच्या शिक्षिका टूले मॅडम, सतीश ( फौजी ) कुलाळ, सुखदेव निकम, डॉक्टर उल्हास टुले, रमेश बोरकर, अविनाश जाधव, अंकुश निकम, बारामती तालुका प्राथमिक शिक्षक संस्थेचे सचिव संतोष राऊत, राहुल चव्हाण, आदी मान्यवर मोठ्या संख्येने उपस्थित होते. यावेळी या कार्यक्रमाचे सूत्रसंचालन आप्पासाहेब साळुंके यांनी तर आभार संजय निकम यांनी मानले.

सुप्रिया निकम हिची उतुंग भरारी..

माझी नुकतीच एमपीएससी मधून राजपत्रित तालुका कृषी अधिकारी म्हणून निवड झाली आहे. झारगडवाडी गावचं नाव मी पुढे नेले आहे याचा मला सार्थ अभिमान आहे, पण आता इथेच थांबणार नाही तर यूपीएससीच्या माध्यमातून देश पातळीवर नाव कोरण्याचे माझं ध्येय आहे माझ्या घरातील सर्व शेतकरी आहेत. माझ्या घरच्यांची इच्छा नसताना देखील त्यांच्या मनाविरोधात मी कृषी क्षेत्रात पाऊल टाकले आणि ते पूर्णही करून दाखवले यामुळे माझ्या आई वडील आणि कुटुंबीय समाधानी आहेत. मी कृषी चे पहिले शिक्षण बारामतीच्या कृषी महाविद्यालयात पूर्ण केले. पुढील शिक्षण महात्मा कृषी विद्यापीठ राहुरी या ठिकाणी पूर्ण केले. महाराष्ट्र लोकसेवा आयोगाच्या महाराष्ट्र कृषी सेवा परीक्षेतून माझी तालुका कृषी अधिकारी पदी निवड झाली मी चांगल्या पद्धतीने अभ्यास करून यश संपादन केले आहे. पण मी इथेच न थांबता जिल्हा कृषी अधिकारी म्हणून काम करण्याची माझी इच्छा आहे, लवकरच ती पूर्ण करण्यासाठी मी प्रयत्न करणार आहे. आपण गावकऱ्यांनी आणि माझ्या कुटुंबियांनी सत्कार केला त्याबद्दल मी सर्वांचे मनापासून आभार मानते मी मुलींना एवढेच सांगते कुठेही खचून जाऊ नका निराश होऊ नका प्रयत्न करत रहा यश नक्कीच मिळते असं नवनिर्वाचित तालुका कृषी अधिकारी झालेल्या सुप्रिया निकम हिने मुलींना सल्ला दिला आहे..